Express Trailers għadha kemm lestiet il-proġett ta’ ċentru ta’ tagħlim modern għall-impjegati tagħha. Il-LOGIC Training Centre li jinsab fil-bini ta’ Express Trailers ifisser investiment f’żewġ swali interkonnessi imma diviżibbli, tliet kmamar għal laqgħat, kollha mgħammra bl-aħjar teknoloġija u tagħmir tat-telekonferenza. Dan iċ-Ċentru se jkun qed jitmexxa mill-Akkademja ta’ Taħriġ li l-kumpanija Express Trailers nediet is-sena l-oħra.
Huwa w jitkellem dwar dan l-investiment, Franco Azzopardi, Chairman u Kap Eżekuttiv ta’ Express Trailers spjega kif dan iċ-ċentru ta’ taħriġ ġdid se jkun miftuħ ukoll għall-klijenti tal-kumpanija u partijiet oħra li huma interessati biex jitgħallmu aktar dwar id-dinja kkomplikata tal-loġistika u l-kummerċ kemm bħala prospett ta’ negozju kif ukoll minn perspettiva ta’ żvilupp tal-karriera.
“In-nies tagħna jmexxu n-negozju billi jottimizzaw it-tagħmir, l-ispazju, id-distanza u l-ħin. Iġibu l-esperjenza tagħhom biex jindirizzaw ir-riskji loġistiċi kollha involuti. Biex nibqgħu nwasslu servizz ta’ kwalità għolja, huma għandhom bżonn ikomplu jiksbu l-aqwa taħriġ,” qal Franco Azzopardi.
“Aħna qed ninvestu sostanzjalment f’dan iċ-ċentru ta’ tagħlim u fl-akkademja tat-taħriġ biex in-nies tagħna jkollhom l-opportunitajiet kollha fejn jitgħallmu u jaqsmu l-esperjenzi tagħhom biex ikunu f’pożizzjoni li iservu l-klijenti tagħna aħjar. Iċ-Ċentru Logic se jkun il-post fejn l-impenn tagħna li nkomplu nilħqu l-eċċellenza u l-esperjenza se jsib il-qofol
tiegħu,” żied jgħid is-sur Azzopardi.
L-Akkademja għat-Taħriġ ta’ Express Trailers tnediet is-sena l-oħra biex toffri lill-impjegati kollha taħriġ kontinwu biex isiru professjonisti fl-oqsma rispettivi tagħhom ubiex dawn jibqgħu infurmati bl-aħħar żviluppi fis-suq t at-trasport u l-loġistika. Minn dakinhar, twasslu 35 sessjoni ta’ taħriġ bil-parteċipazzjoni ta’ aktar minn 250 impjegat li kisbu ċertifikazzjoni professjonali f’varjetà ta ‘suġġetti bħal Incoterms u Dokumentazzjoni tat-Trasport, Cyber Security, Taħriġ Tekniku u taħriġ ieħor relatat ma’ dipartiment speċifiċi.
“L-impjegati tagħna mhumiex biss impjegati. Meta jibdew jaħdmu magħna, dawn isiru esperti u professjonisti fix-xogħol tagħhom u f’ħafna okkażjonijiet, huma dawk li jgħaddu l-għarfien u l-esperjenza miksuba tagħhom lill-impjegati l-aktar ġodda. Fil-fatt, matul ix-xhur li ġejjin għandna ippjanati iżjed sessjonijiet ta’ taħriġ hands-on u taħriġ formali minn
impjegati b’esperjenza. It-taħriġ kontinwu, il-qsim ta’ esperjenza u attitudni persważiva lejn xogħol mingħajr periklu jiffurmaw il-kultura #WeAreOrange tagħna,” temm jgħid Franco Azzopardi.
