Dalgħodu għall-ħabta tal-ħdax, il-Pulizija ġew infurmati li kien hemm bżonn l-assistenza fi Triq Għajn Tuffieħa, San Pawl il-Baħar.
Il-Pulizija mill-Għassa tal-Qawra marru fuq il-post fejn minn investigazzjonijiet preliminari rriżulta li kien hemm impatt bejn vettura tat-tip Toyota Tercel, misjuqa minn raġel ta’ 59,residenti l-Imġarr u mutur tat-tip Yamaha misjuq minn raġel ta’ 64 sena, residenti r-Rabat.
Is-sewwieq tal-mutur ittieħed l-Isptar Mater Dei għall-kura, fejn ġie ċċertifikat li qed isofri minn feriti serji u jinsab f’qagħda kritika.
Parti mit-triq (direzzjoni lejn San Pawl il-Baħar) ingħalqet għat-traffiku filwaqt li bil-każ ġie infurmat il-Maġistrat tal-Għassa li ħatar inkjesta.
Investigazzjonijiet tal-Pulizija għadhom għaddejjin.
