Inter reġgħu qabżu fl-ewwel post tal-klassifika tas-Serie A meta f’San Siro għelbu lil Lazio 1-0 biex kisbu l-ħames rebħa konsekuttiva u baqgħu b’punti massimi fil-quċċata tal-klassifika.
Fil-ġurnata tl-bieraħ tispikka t-telfa sospriża li sofrew Napoli fi Stadio San Paolo meta kontra kull mistenni kienu megħluba minn Cagliari 1-0.
Il-gowl rebbieħ ta’ Cagliari kien skorjat minn Castro meta kien jonqos biss tliet minuti għad-disgħin minuta. Ftit wara l-gowl rebbieħ ta’ Cagliari, Napoli spiċċaw ukoll b’għaxar plejers wara li tkeċċa d-difesnur ċentrali Koulibaly.
Lura għal-logħba tal-leaders Inter li skorjaw il-gowl tar-rebħa f’nofs l-ewwel taqsima meta kien li skorja b’daqqa ta’ ras mill-viċin fuq kross ta’ Brighi.
Lazio kellhom xi ċansijiet fejn jiksbu l-gowl tad-draw, iżda t-tim immexxi minn Antonio Conte kellu iktar ċansijiet ta’ skor speċjalment fit-tieni taqsima fejn għal diversi drabi Inter resqu ferm qrib it-tieni gowl.
Ma kinitx ġurnata pożittiva għat-timijiet minn Ruma hekk kif minbarra Lazio, anki Roma kienu megħluba fi Stadio Olimpico minn Atalanta. Għal Atalanta riżultat importanti li jasal wara l-umiljazzjoni fid-debutt taċ-champions League f’Zagreb, kif ukoll id-draw imqanżaħ fl-aħħar logħba kontra Fiorentina.
Il-gowls ta’ Atalanta waslu minn Duvan Zapata fil-71 minuta u minn De Roon għaxar minuti mit-tmiem.
Logħba interesanti kienet dif ta’ Firenze fejn Fiorentina kisbu rebħa ta’ 2-1 kontra Sampdoria.
Għall-Vjola gowl ta’ Pezzella fl-ewwel taqsima u ieħor ta’ Chiesa fil-bidu tat-tieni taqsima. Għal Sampdoria gowl ta’ konsolazzjoni minn Bonazzoli meta kien jonqos għaxar minuti minn tmiem il-logħba.
Parma kellhom jistennew sal-95 minuta biex għelbu lil Sassuolo 1-0, bil-gowl rebbieħ ikun awtogowl tal-plejer ta’ Sassuolo Bourabia.
Parma kellhom opportunita kbira li jiftħu l-iskor fil-75 minuta iżda Inglese falla penalty.
Lecce kisbu rebħa tajba ta’ 3-1 barra minn darhom kontra Spal. Kien Mancuso li poġġa lil Lecce fil-vantaġġ iżda fis-17-il minuta Spal kisbu d-draw permezz ta’ Di Francesco
Fit-tieni taqsima Lecce marru minn fuq permezz ta’ Calderoni fis-47 minuta u mancuso skorja t-tieni gowl personali tiegħu fit-73 minuta biex għalaq il-logħba.
Logħba waħda biss intemmet mingħajr gowls u din kienet il-logħba bejn żewġ timijiet Rossoblu, Genoa u Bologna.
