Rapport: Rowen Camilleri
TARXIEN RAINBOWS…………….1 SLIEMA WANDERERS…………… 2
Tarxien: R. Briffa, T. Veronese, D. Mambouana, B. Muscat, E. Demey (M. Jelic 45’), A. Andrejic, M. Ciantar (C. Zahra 82’), B. Farrugia, M. Gomez, A. Tenorio, D. Zerafa
Sliema: J. Galea, M. Sansone, K. Shaw, J. Mintoff, C. Zappa (J.C. Pereira (57’) , J. Cisotti, J. Cruz Gill, E. Agius, S. Miloskovic, C. Pani (P. Xuereb 35’), J.P. Farrugia (S. Sow 57’)
Imwissija: B. Farrugia 20’, B. Muscat 39’, D. Zerafa (T), C. Zappa 38’, J. Mintoff 47’, E. Agius (S)
Skorjaw: C. Zappa 43’ S. Sow 85’ (S), A. Andrejic 73 (T)
Referee: Fyodor Zammit
Assistenti Referees: Duncan Sultana u Theodore Zammit
In-Nazzjon Plejer tal-logħba: Juri Cisotti (Sliema Wanderers)
BOV Plejer tal-logħba: Juri Cisotti (Sliema Wanderers)
Attendenza: 230
F’ logħba bejn żewġ timijiet li kienu għadhom qed ifittxu l-ewwel rebħa, Sliema Wanderers ħarġu rebbieħa bl-iskor ta’ 2-1, f’partita li offriet l-aħjar tagħha lejn it-tmiem, bil-gowl deċiżiv jasal fil-85 minuta.
L-ewwel azzjoni perikoluża waslet fit-tmien minuta għal Wanderers, meta Juri Cisotti żmarka tajjeb lil Miloskevic b’dan tal-aħħar jitfa’ għoli minn taħt Briffa. Sliema reġa’ kellhom tentattiv ieħor fit-13-il minuta hekk kif Jean Paul Farrugia ra l-free-kick dirett tiegħu jiġi milqugħ b’diifikultà minn Briffa.
Bil-partita nieqsa mill-azzjoniiet perikolużi għal xi ħinijiet, azzjoni personali fis-27 minuta ta’ Michele Sansone, ra x-xutt tiegħu minn barra l-kaxxa għal darb’ oħra ġie salvat faċilment mill-gowlkiper ta’ Tarxien Rudy Briffa.
Meta ż-żewġ timijiet dehru li deħlin jistrieħu fid-draw ta’ mingħajr gowls, fit-43 minuta CLAUDIO ZAPPA fetaħ l-iskor għal Sliema Wanderers bi ġmiel ta’ xutt minn barra l-kaxxa li spiċċa fir-rokna tax-xibka, bi Briffa megħlub għal kollox.
L-ewwel azzjoni tat-tieni taqsima waslet fit-63 minuta meta l-kross mil-lemin ta’ Edmond Agius sab lis-sostitut Sow li b’daqqa ta’ ras għeleb lil Briffa iżda l-ferħ tal-partitarji Slimiżi ma damx wisq hekk kif il-gowl ġie mħassar għal offside. Tliet minuti wara xutt fil-baxx ta’ Cisotti kien faċli wisq għal Briffa.
Kontra x-xejra tal-logħob, fit-73 minuta ALESKA ANDREJIC ħa ballun fil-kaxxa u b’xutt fil-baxx għeleb lil Galea wara li l-ballun ħabat mal-wieqfa. Iżda ħames minuti mit-tmiem, Sliema Wanderers reġgħu marru fil-vantaġġ meta SEYDOU SOW ħarab tajjeb, qabeż lil Zerafa u bil-kalma kollha qabbeż fuq Galea.
