Lokali Parlament

Tul il-lejl: Nar fil-bini tal-Parlament

Il-bini tal-Parlament

Tul dan il-lejl nar żviluppa fil-bini tal-Parlament fil-Belt Valletta.

Il-pulizija kkonfermaw dan il-każ fejn qalulna li l-pulizija tal-Parlament indunaw bin-nar għall-ħabta tas-1.50 ta’ filgħodu meta beda jdoqq l-alarm f’każ ta’ nar. Skont sorsi mill-post qalu lil NetNews li kienet il-kamra tas-servers li ħadet in-nar.

Fuq il-post issejħu mill-aktar fis il-membri tal-Protezzjoni Ċivili li kkontrollaw minnufih is-sitwazzjoni.

Sorsi qalulna li l-kawża tan-nirien kienet minn batteriji tal-UPS li jissupplixxu d-dawl tal-emerġenza lill-binja tal-Parlament.

Dwar dan il-każ qed titmexxa inkjesta maġisterjali mill-Maġistrat Rachel Montebello.

Il-pulizija qed tinvestiga dan il-każ