GŻIRA UNITED…………… 2 BALZAN………..…….. 0
Gżira: J. Haber, S. Borg, C. Gatt Baldacchino, F. Barbosa, R. Soares, A. Oyama (A. Cohen 68’), G. Conti, N. Muscat, M. Davis, A. Samb (L. Brincat 89’), J. De Assis
Balzan: K. Naumovski, I. Bozovic, A. Loof, A. Kosoric, M. Johnson, R. Correa, P. Fenech, N. Sljivic, S. Pisani, A. Effiong, S. Dimic (R. Scicluna 73’)
Imwissija: C. Gatt Baldacchino 6’, A. Samb 85’ (G), N. Sljivic 38’, P. Fenech 74’ (B)
Skorjaw: A. Cohen 75’, J. De Assis 86’ (G)
Referee: Matthew Degabriele
Assistenti Referees: Mitchell Scerri, Duncan Sultana
In-Nazzjon Plejer tal-logħba: Jefferson de Assis (Gżira United)
BOV Plejer tal-logħba: Jefferson de Assis (Gżira United)
Attendenza: 964
Wara erba’ draws konsekuttivi, finalment waslet l-ewwel rebħa ta’ Gżira United. Dawn it-tliet punti mistennija jagħtu l-kuraġġ neċessarju biex il-Maroons jaqbdu sensiela ta’ riżultati pożittivi. Balzan fuq in-naħa l-oħra sofrew it-tieni telfa konsekuttiva bi skor identiku. B’hekk huma baqgħu fuq iż-żona tar-relegazzjoni f’bidu li hu diffiċli għat-tim immexxi minn Jacques Scerri.
L-ewwel taqsima kienet pjuttost bilanċjata, bit-tnejn joqogħdu ftit attenti li ma jsofrux aktar milli biex jiskorjaw. Fit-tieni taqsima, Gżira kienu ftit aħjar u jista’ jitqies li rebħu l-logħba meritatament. Iż-żewġ gowlkipers kienu impenjati ftit fil-bidu, bil-gowlkiper ta’ Balzan Kristijan Naumovski jsalva xutt fil-baxx ta’ Arthur Oyama filwaqt li fuq in-naħa l-oħra, Justin Haber salva xutt ta’ Alfred Effiong.
Gżira pprotestaw fl-34 minuta meta Amadou Samb irċieva kross mingħand Jefferson de Assis, qabeż lil Naumovski u xxuttja fil-lasta, bid-difensur Augustine Loof ibiegħed il-ballun. Ir-referee Matthew Degabriele li l-ballun ma kienx qabeż kollu l-linja fost il-protesti ta’ Gżira.
Fis-56 minuta, xutt ta’ Martin Davis kien imbiegħed fuq il-linja mid-difensur Aleksandar Kosoric. Gżira komplew jinsistu u fl-64 minuta Jefferson de Assis naqas li jagħmel kuntatt minn quddiem il-lasta ma’ kross ta’ Gianmarco Conti biex żewġ minuti wara Naumovski salva fuq Amadou Samb.
Gżira finalment fetħu l-iskor fl-aħħar kwarta meta minn kross ta’ Clifford Gatt Baldacchino, id-daqqa ta’ ras Jefferson de Assis ħabtet mal-wieqfa u pront daħal is-sostitut ANDREW COHEN li mill-viċin ma kellux problema jitfa’ fix-xibka.
Balzan marru qrib li jġibu d-draw fl-84 minuta b’tentattiv ta’ Kosoric li kien imxellef ftit bogħod mil-lasta, b’Haber megħlub. Il-Maroons għalqu l-logħba żewġ minuti wara, b’Gianmarco Conti jqassam għan-nofs lejn JEFFERSON DE ASSIS li minn qagħda tajba għeleb lil Naumovski.
