MOSTA…………… 1 HIBERNIANS………………. 2
Mosta: A. Vella, D. Xuereb, R. Morisco, T. Farrugia, D. Bonnici (K. Gatt 78’), L. Villareal, M. Muchardi, D. Brown, A. Roach, E. Murga, M. Jallow
Hibernians: M. Calleja Cremona, T. Tabone Desira, A. Agius, F. Apap, J. Mbong, D. Vella, B. Kristensen, G. Artiles, J. Grech (I. Iriberri 74’), L. Nanni (L. Barbosa 83’), T. Groothusen (C. Atsina 74’)
Imwissija: M. Muchardi 54’(M)
Skorjaw: T. Groothusen 23’, J. Grech 68’ (H), R. Morisco 90’ (M)
Referee: Mario Apap
Assistenti Referees: Jurgen Spiteri, Mark Ciantar
In-Nazzjon Plejer tal-logħba: Leonardo Nanni (Hibernians)
BOV Plejer tal-logħba: Jake Grech (Hibernians)
Hibernians telgħu punt taħt il-leaders Floriana u Ħamrun Spartans wara li kisbu t-tielet rebħa tal-kampjonat kontra Mosta, b’tal-aħħar isofru t-tielet telfa f’dan l-istaġun. Il-Pawlisti kienu l-aħjar tim fil-logħba iżda kellhom bżonn il-gowl tal-vantaġġ biex ħadu l-kontroll tal-logħba wara li Mosta kellhom bidu tajjeb fil-logħba. Fit-tieni taqsima huma kienu aktar avventurużi fl-attakk u kienu mċaħħda aktar minn darba mill-gowlkiper Andreas Vella.
Mosta ħolqu l-ewwel azzjoni tal-logħba wara seba’ minuti bi kross ta’ Momodou Jallow isib lil Matias Muchardi li b’xutt mill-ewwel ġiegħel lil Matthew Calleja Cremona (li ħa post is-sospiż Marko Jovicic) jsalva b’diffikultà.
Ftit wara, il-gowlkiper ta’ Hibernians blokka parzjalment korner ta’ Muchardi u xutt ta’ Murga kien blokkat mid-difiża ta’ Hibernians. It-tim ta’ Stefano Sanderra mar fil-vantaġġ fit-23 minuta meta minn kross fil-baxx mil-lemin ta’ Timothy Tabone Desira, Vella blokka parzjalment, bl-attakkant TERRENCE GROOTHUSEN daħal tajjeb u minn mal-art xeħet fix-xibka.
Qabel tmiem l-ewwel taqsuma, Hibernians kellhom tliet azzjonijiet oħra. L-ewwel kien xutt ta’ Mbong li ġie salvat minn Vella, bil-gowlkiper żagħżugħ jimblokka tajjeb ix-xutt ta’ Groothusen. Imbagħad il-gowlkiper Mosti blokka free-kick ta’ Leonardo Nanni.
Hibernians irduppjaw fit-68 minuta b’passaġġ preċiż ta’ Joseph Mbong lejn JAKE GRECH li żmarka ruħu, avvanza u għeleb lil Vella minn qagħda ideali. Mosta laqtu l-lasta fit-80 minuta b’xutt ta’ Jallow jegħleb lil Calleja Cremona iżda x-xutt ħabat mal-mimduda. Iżda l-Mostin naqqsu d-distakk fid-90 minuta, bid-difensur RAFAEL MORISCO jidħol tajjeb għal korner mil-lemin u skorja b’daqqa ta’ ras b’saħħitha.
