Raġel ta’ 38 sena minn Marsaskala weġġa’ gravi wara li kien involut f’inċident tat-traffiku fil-limiti tas-Swieqi. L-inċident seħħ għall-ħabta tad-9.20p.m. fi Triq Sant’Andrija fis-Swieqi.
Minn stħarriġ preliminari tal-pulizija irriżulta li seħħet ħabta bejn vettura tat-tip Jaguar F-Pace misjuqa minn mara ta’ 20 sena ta’ nazzjonalita’ Ċiprijotta u residenti s-Swieqi u mutur tal-għamla Honda misjuq mill-vittma.
Tim mediku ħa lir-raġel l-Isptar Mater Dei fejn iktar tard kien ċertifikat li qed isofri minn ġrieħi ta’ natura gravi. Il-Pulizija qed tinvestiga l-każ.
