Ħadd ma weġġa’ fi ħruq li seħħ fi blokka ta’ appartamenti fil-Gżira.
Għadu mhux magħruf x’wassal għall-ħruq, li seħħ għall-ħabta tal-5.30pm fi Triq Tas-Sliema.
Fi ftit ħin waslu l-Pulizija u membri mid-Dipartiment tal-Protezzjoni Ċivili, li għenu lir-residenti jkunu evakwati mill-post.
Il-ħidma ta’ evakwazzjoni ħadet xi ftit fit-tul iżda, fortunatament, kienet suċċess għax kulħadd inħareġ mingħajr ma ħadd weġġa’.
Dan għamilha aktar faċli għall-ħaddiema tal-Protezzjoni Ċivili biex jikkontrollaw in-nirien, filwaqt li l-Pulizija qed jinvestigaw il-każ.
