Raġel ta’ 68 sena qiegħed isofri minn feriti gravi wara li ħabat ma’ karozza fis-Swieqi.
L-inċident seħħ għall-ħabta tas-6pm tal-bieraħ fi Triq tal-Ibraġġ.
Fi stqarrija l-Pulizija qalu li s-sewwieq tal-mutur ħabat mal-karozza li kienet qed tinstaq minn mara ta’ 67 sena u t-tnejn huma resident s-Swieqi. Il-mara sofriet minn xokk kbir, b’kawża tal-inċident.
Intant is-sewwieq tal-mutur ittieħed l-Isptar Mater Dei għall-kura fejn ġie ċċertifikat li qed isofri grieħi ta’ natura gravi.
L-investigazzjoni tal-Pulizija fuq dan l-inċident għadha għaddejja.
