L-attakkant ta’ Manchester City Sergio Aguero kien involut f’inċident żgħir bil-karozza qabel is-sessjoni tal-bieraħ iżda ma weġġax fl-inċident. L-Arġentin kien fi triqtu lejn il-faċilità tat-taħriġ ta’ Manchester City.
Hu ma kellux bżonn trattament mediku u ħa sehem fis-sessjoni bi preparazzjoni għal kontra Crystal Palace. Aguero skorja tmien gowls f’dan l-istaġun u jinsab fil-quċċata tal-aqwa skorers fil-Premier League ma’ Tammy Abraham ta’ Chelsea. Sentejn ilu, Aguero kiser kustilja f’inċident fl-Olanda wara li kien vjaġġa biex jara kunċert.
