MOSTA……………………………. 1 SANTA LUCIA……………………. 0
Mosta: A. Vella, D. Kassekar, A. G. Roach (Z. Brincat 88’), W. Gomes (C. Grech 90’), D. Bonnici (K. Gatt 80’), N. Kotlov, D. Xuereb, R. Morisco, M. Jallow, T. Farrugia, M. Muchardi
Santa Lucia: R. Caruana, D. Mendoza (N. Micallef 88’), D. Segura, M. De Jesus Santana, K. Ante, J. Walker (A. Magri Overand 90’), D. Agius, F. Zuniga, J. Zerafa, C. Escobar, R. Tachikawa (O. Elouni 83’)
Imwissija: D. Kassekar 20’, J. Zerafa 50’, M. Muchardi 74’ (M), C. Escobar 45’ (S)
Skorja: M. Jallow 89’ (M)
Referee: Ishmael Barbara
Assistenti Referees: Luke Portelli, Duncan Spencer
In-Nazzjon Plejer tal-logħba: David Mendoza (Santa Lucia)
BOV Plejer tal-logħba: David Mendoza (Santa Lucia)
Fl-ewwel logħba tas-seba’ ġurnata tal-Kampjonat Premier kien it-tim Mosti li ħareġ b’rasu mgħollija bit-tliet punti, u b’hekk komplew bil-wirjiet pożittivi tagħhom. Santa Lucia kellhom aktar azzjonijiet ta’ skor, li iżda ma rnexxielhomx iwasslu għall-ebda gowl.
Il-partita bdiet b’ritmu pjuttost kwiet bi ftit azzjonijiet fuq kull naħa. Fid-disa’ minuta, Santa Luċija ħolqu l-ewwel azzjoni tal-partita. David Mendoza għadda l-ballun lil Maycon Santana li b’xutt fil-baxx ra l-ballun jiġi milqugħ mill-gowlkiper Mosti Andreas Vella.
Żewġ minuti wara, minn kross ta’ Duane Bonnici, Nicolaevich Kotlov tefa’ għoli għal Mosta. Il-Mostin ingħataw freekick barra l-kaxxa tal-avversarji mal-45 minuta logħob. Rafael Morisco ta l-free-kick, b’Ryan Caruana jkun attent u jtajjar il-ballun.
It-tieni taqsima bdiet bit-tim minn Santa Lucia joħroġ aktar avventuruż b’ħafna logħob qrib il-kaxxa ta’ Mosta. Iżda l-ewwel azzjoni denja ta nota f’din it-taqsima waslet fit-73 minuta, minn David Mendoza li f’azzjoni personali baqa’ tiela’ bil-ballun, bix-xutt tiegħu spiċċa jintlaqa’ mill-gowlkiper Mosti.
Fit-80 minuta, Daniel Agius prova jagħti kross li spiċċa għand Andreas Vella li nnewtralizza. Kontra x-xejra tal-logħob, fid-89 minuta, kross preċiż ta’ Weverton Gomes, daħal bir-ras MOMODOU JALLOW li tefa’ fix-xibka u lill-Mostin f’dellirju ta’ ferħ. Fl-aħħar ftit minuti tal-logħba, l-isforzi ta’ Santa Lucia ma wasslu għall-ebda gowl.
