SENGLEA ATHLETIC …………… 2 SLIEMA WANDERERS …………….. 0
Senglea: A. Curmi, S. Olberkis, D. Debono, E. Sakyi, M. Micallef, N. Virano Gonzalo (D. Xuereb 77’), T. Marukawa, J. W. Teixeira (J. Tanti 74’), S. Cipriott (J. Micallef 81’), W. Zamble, M. Dias
Sliema: J. Galea, M. Sansone, A. Satariano, K. Shaw, J. Pearson (J. C. Gill 72’), C. Zappa, J. Cisotti (K. Amehi 79’), R. Carvajal Diaz, E. Agius, S. Miloskovic (M. Scerri 69’), C. Pani
Imwissija: C. Pani 17’, S. Miloskovic 42’, R. Carvajal Diaz 57’, E. Agius 70’(SW), D. Debono 19’ (SA)
Tkeċċa: R. Carvajal Diaz 60’ (SW)
Skorjaw: W. Zamble 63’, T. Marukawa 76’ (SA)
Referee: Alex Johnson
Assistenti Referees: Alan Camilleri, Theodore Zammit
In-Nazzjon Plejer tal-logħba: Wilfried Zamble (Senglea Athletic)
BOV Plejer tal-logħba: Taisei Marukawa (Senglea Athletic)
Attendenza: 483
Senglea Athletic komplew bil-wirjiet pożittivi wara rebħa ta’ 2-0 kontra Sliema Wanderers, li għadhom ankrati fit-12-il post tal-klassifika b’ħames punti wara seba’ partiti, punt aktar minn Gudja li għadhom iridu jilagħbu għada kontra Valletta.
It-tieni logħba tal-ġurnata bejn Senglea u Sliema bdiet movimentata b’ħafna azzjonijiet fuq iż-żewġ naħat. Fit-tielet minuta jkunu s-Sengleani li kellhom l-ewwel ċans ta’ gowl. Gonzalo Virano ra d-daqqa ta’ ras tiegħu li spiċċat barra.
Żewġ minuti wara kienu perikolużi s-Slimiżi. Stanimir Miloskovic ixxuttja ftit barra mil-lasta ta’ Senglea difiża minn Anthony Curmi. Fit-28 minuta, xutt ta’ Virano għal Senglea spiċċa għoli. Man-nofs siegħa logħob, Taisei Marukawa għadda lil Wilfried Zamble li xxuttja bil-ballun jaħbat ma’ sieq difensur ta’ Sliema, u spiċċa barra f’korner.
Fis-36 minuta, Juri Cisotti xxuttja minn barra l-kaxxa bil-ballun spara għoli. Fit-43 minuta Virano ttanta xutt minn tliet kwarti ta’ grawnd, bil-ballun spiċċa għoli. Ftit wara Satariano ra x-xutt tiegħu mdawwar f’korner.
It-tieni taqsima bdiet b’ritmu pjuttost kwiet mingħajr ebda ċansijiet denji ta’ nota. Fis-60 minuta tkeċċa Carvajal Diaz wara li qala’ it-tieni karta safra. Fil-fatt kien fit-63 minuta li waslet l-ewwel azzjoni tat-taqsima u wasal ukoll l-ewwel gowl tal-partita.
Taisei Marukawa ta kross preċiż lin-Norveġiż WILFRIED ZAMBLE li daħal bir-ras u tefa’ fix-xibka wara Jake Galea. Fis-76 minuta s-Sengleani rdoppjaw. Jan Tanti li kien ilu fil-grawnd biss għal żewġ minuti ta kross lil TAISEI MARUKAWA li fil-baxx għeleb lil Galea. Sliema ftit li xejn ħolqu reazzjoni bil-partita tispiċċa bit-tliet punti u b’rebħa meritata għal Senglea.
