Car chase bejn il-Pulizija u suspettat wasslet biex dan tal-aħħar ħabat f’karozza pparkjata u nstab fil-pussess ta’ droga u flus kontanti.
Iż-żagħżugħ li kien qed isuq il-vettura, Serb ta’ 22 sena residenti l-Gżira, inqabad mill-uffiċjali tal-Administrative Law Enforcement fi Triq Emanuele Giordano, il-Gżira stess.
Hawn hu ġie arrestat u tfittxija li saret fil-vettura tiegħu wasslet għas-sejba ta’ basket li kien fih ammont ta’ flus kontanti u diversi pakketti li fihom kien hemm sustanza suspettata droga kokaina, eroina, pilloli suspettati droga ecstasy u 17-il pakkett bi droga suspettata ħaxixa tal-Cannabis.
Il-każ seħħ kmieni s-Sibt filgħodu, għall-ħabta tas-01:45.
