Il-bieraħ wara nofsinhar fil-korsa tal-Marsa kienu magħrufa t-tnax-il żiemel finalisti tat-Tazza Johnnie Walker għal żwiemel tal-klassi Gold.
Dan wara li saru t-tliet semifinali ta’ dan il-kampjonat fuq distanza qasira ta’ 2140m u li għamlu parti mid-49 laqgħa tal-istaġun fuq disa’ tiġrijiet kollha tat-trott.
Fl-ewwel semifinali tal-klassi Gold, Charles Camilleri talab lill-Ġermaniża Janske biex iżżid fil-ġiri 300m mil-linja finali biex b’hekk irnexxilha tieħu r-raba’ rebħa staġjonali b’tul minn Sos Amor (Mark Mifsud) u Frisco Runner (Carl Caruana). Venicio Bello (Andrew Pace) temm fir-raba’ pożizzjoni.
Il-favorita Clara du Bocage ta’ Melvin Farrugia ma naqsitx milli tirreġistra t-tielet rebħa nfila u f’Malta fit-tieni semifinali mill-istess kompetizzjoni.
Hi kienet il-ħin kollu quddiem u temmet rebbieħa b’żewġ tulijiet minn Jim Sanna (Charles Camilleri) u And Here I Am (Chris Grech). Royal In (Marco Debono) kellu wkoll wirja tajba meta temm warajhom f’dik l-ordni.
Fit-tielet u l-aħħar semifinali Gold, Vasco De Montmarce (Jesmar Gafa’) beda jżid fil-ġiri matul l-aħħar 600m. Hu rnexxilu jieħu r-raba’ rebħa għal dan l-istaġun minn A Nous Bosdarros (Brian Zammit), Oliwer Hip (Noel Baldacchino) u Jordan Lee G.L. (Marco Debono) li bħalu kienu l-aħħar żwiemel li għaddew għall-finali.
Il-laqgħa nkludiet ukoll tiġrija normali tal-klassi Premier fuq distanza twila ta’ 2640m. Din żviluppat fi dwell eċċitanti fid-dritta finali bejn Ungaro d’Eva (Cliferty Calleja) li żied fil-ġiri dawra mit-tmiem u Sandsjons Revenue (Charles Camilleri) li ħalla kollox għall-aħħar metri. Kien Sandsjons Revenue li akkwista r-raba’ rebħa tas-sena, b’Ugo Du Fosse (Chris Vassallo) u l-gdid Olandiz Exclusive Lane (Rodney Gatt) itemmu fit-tielet u r-raba’ post rispettivament.
Fl-uniku tiġrija tal-ponijet misjuqa minn tfal kien Lydon Gauci permezz ta’ Ċaqqufa li qasam il-linja finali l-ewwel. Din it-tiġrija saret fuq distanza ta’ 250m.
Ir-riżultati kollha
I Tiġrija. Klassi Copper. Dist – 2140m. 1. Enjos TS (S. Vassallo) Ħin – 2.45.6” (1.17.4”) 2. Diego JYL (J. Zahra) 3. Global Power (D. Grima) 4. Unico Degli Ulivi (P. Galea)
II Tiġrija. Klassi Bronze. Dist – 2140m. 1. Likearollingstone (C. Vassallo) Ħin – 2.44.3” (1.16.8”) 2. Capello Vici (K. Saliba) 3. Cuaker Groove (S. Schembri) 4. Vasco d’Agamis (P. Galea)
III Tiġrija. Klassi Bronze. Dist – 2140m. 1. Staro Let’s Dance (T. Tanti) Ħin – 2.45” (1.17.6”) 2. Global Taxevation (R. Gatt) 3. Fakir Haleryd (R. Schembri) 4. Too Cool To Care (C. Camilleri)
IV Tiġrija. Klassi Silver. Dist – 2140m. 1. Basic Idef (P. Galea) Ħin – 2.43.4” (1.16.3”) 2. Amour De Jiel (D. Casha) 3. Apex Du Rib (D. Ellul) 4. Born To Gis (E. Attard)
V Tiġrija. Klassi Silver. Dist – 2140m. 1. Sharif America (M. Sammut) Ħin –2.43” (1.15.7”) 2. Baqualito Mag (C. Vassallo) 3. Chippen As (R. Gatt) 4. Cyrus De La Cour (P. Galea)
VI Tiġrija. Semifinali Tazza Johnnie Walker. Klassi Gold. Dist – 2140m. 1. Janske (C. Camilleri) Ħin – 2.41.6” (1.15.5”) 2. Sos Amor (M. Mifsud) 3. Frisco Runner (C. Caruana) 4. Venicio Bello (A. Pace)
VII Tiġrija. Semifinali Tazza Johnnie Walker. Klassi Gold. Dist – 2140m. 1. Clara Du Bocage (M. Farrugia) Ħin – 2.40.3” (1.14.9”) 2. Jim Sanna (C. Camilleri) 3. And Here I Am (Ch. Grech) 4. Royal In (M. Debono)
VIII Tiġrija. Klassi Premier. Dist – 2640m. 1. Sandsjons Revenue (C. Camilleri) Ħin – 3.18.4” (1.15.1”) 2. Ungaro d’Eva (C. Calleja) 3. Ugo Du Fosse (C. Vassallo) 4. Exclusive Lane (R. Gatt)
IX Tiġrija. Semifinali Tazza Johnnie Walker. Klassi Gold. Dist – 2140m. 1. Vasco De Montmarce (J. Gafa’) Ħin – 2.41.1” (1.15.3”) 2. A Nous Bosdarros (B. Zammit) 3. Oliwer Hip (N. Baldacchino) 4. Jordan Lee G.L. (M. Debono)
