Fit-tieni ġurnata tal-kompetizzjoni St James Hospital Shield Hibs kisbu t-tieni rebħa meta għelbu lil Depiro filwaqt li Starlites Gig ħallew lil Bupa Luxol jfittxu l-ewwel rebħa.
Rebħa għal Starlites bi tmiem drammatiku
Starlites Gig…………….83
Bupa Luxol………………82
(20-23, 14-17, 20-27, 29-15)
Starlities: A. Felice Pace 11, M. Azopardi, R. Bonnici 9, I. Felice Pace 2, M. Fabri, M, Sceri , D. Carabott 15, I. Kumivic , K. Knoles 28, J. Merseilles 18.
Luxol: J. Cefai 8, V. Jandric 39, K. Cauchi, L. Trapani, F. Mifsud Bonnici 8, J.P. Schembri 10, K. Dimech 15, I. Pace, E. Caruana Montaldo, S. Capello 2.
Referees: J. Mantere, K. Dwarnezeck u D. Dobroseljevic.
Luxol li kienu dejjem fuq quddiem ħlief għall-ewwel minuti kellhom iċedu fl-aħħar sekondi tal-logħba biex sofrew it-tieni telfa u tnejn fl-aħħar minuti, Starlites bdew jagħfsu fl-aħħar għaxar minuti bl-għajja tidħol fit-tim tal-Luxol minbarra l-fawls.
Starlities kellhom bidu tajjeb biex marru 10-2 minn fuq. Mal-ħin Luxol tjiebu biex lejn is-seba’ minuta marru punti minn fuq 15-14. Luxol spiċċaw l-ewwel sessjoni 23-20 minn fuq.
Luxol komplew fejn ħallew fil-bidu tat-tieni sessjoni biex kabbru l-vantaġġ għal 29-20. Minuta mistrieħ u sostituzzjoniet għenu lil Starlites jirkupraw biex naqqsu xi ftit id-distakk 31-26.
Ir-risposta ta’ Luxol rathom jiftħu ħdax-il punt vantaġġ 37-26. Starlites għaddew minn dan il-mument diffiċli biex inaqqsu xi ftit l-iżvantaġġ sal-mistrieħ 40-34.
Fil-bidu tat-tielet sessjoni Starlites kienu basket ’il bogħod 42-40. Wara perjodu bilanċjat, tlett minuti mit-tmien is-sessjoni, Luxol kellhom mument tajjeb biex fetħu vantaġġ ta’ 67-54 għall-aħħar għaxar minuti.
Starlites żiedu l-isforzi tagħhom u bdew jippressaw. Sa ħames minuti mit-tmiem Luxol kienu 74-67 minn fuq. Hawn bdiet dieħla l-għejja u x-xuttijiet tagħhom ma baqgħux preċiżi biex Starlites ħadu vantaġġ u minuta mit-tmien marru 79-78 minn fuq.
Luxol tilfu żewġ free-throws u ta’ dan pattew qares għax tliet sekondi mit-tmiem Starlites kisbu l-basket tar-rebħa.
Il-barranin ta’ Depiro mhux biżżejjed
Depiro…………………….68
Hibs………………………..95
(17-20,15-27, 16-29, 20-19)
Depiro: M. Naudi, Q. Copper 36, D. Farrugia, M. Brincat 2, I. Attard, A. Chomo 17, O. Said 3, A. Attard, K. Xuereb 10, M. Borg.
Hibs: P. Attard 4, D. Bugeja 4, K. Caruana , L. Farrugia 9, W. Alhberg 9, I. Bonett 4, N. Vasovic 12, A. Axiaq 7, M. Matijevic 6, M. Attard 2, C. Rowe 22, I. Dencesen 16.
Referees: G. Barbara , I. Simic u S. Jaflica,
Hibs komplew bil-bidu tajjeb għall-istaġun meta kisbu rebħa faċli fuq Depiro li għandhom tim nieqes mill-esperjenza. Depiro jridu juri titjib għal kontra Starlites.
Wara l-ewwel minuti, Hibs bdew jieħdu s-soppravent biex marru 18-10 minn fuq. Fl-aħħar minuti tas-sessjoni kien hemm ir-reazjoni tad-Depiro 20-17.
Fil-bidu tat-tieni sessjoni Hibs ħarġu aktar determinati biex ikabbru l-vantaġġ għal 33-39. Għalkemm tjiebu Depiro ma rnexxilhomx iwettqu pressjoni fuq Hibs li kkontrollaw tajjeb biex marru jistrieħu 47-32 minn fuq.
Hibs komplew ikunu l-aħjar tim anki wara l-mistrieħ biex komplew jiddominaw u l-vantaġġ jikber għal 76-48 għall-aħħar għaxar minuti.
Fl-aħħar sessjoni naqsu xi ftit mir-ritmu u kkontrollaw mingħajr tbatija l-isforzi tad-Depiro sal-aħħar tisfira.
