Ilbieraħ tħabbru t-tletin plejer finalist għar-rebbieħ ta’ din is-sena tal-Ballun tad-Deheb minn France Football. Is-soliti Lionel Messi u Cristiano Ronaldo jinsabu fost il-finalisti fejn jispikkaw it-total ta’ seba’ plejers taċ-Champions Ewropew Liverpool f’din il-lista. Dawn huma Virgil van Dijk, Sadio Mane, Roberto Firmino, Trent Alexander-Arnold, Georginio Wijnaldum, Alisson u Mohamed Salah
Mill-kampjonat Ingliż hemm ukoll tmien plejers oħra. Dawn huma Sergio Aguero, Raheem Sterling, Bernardo Silva, Riyad Mahrez u Kevin de Bruyne ta’ Manchester City, Hugo Lloris u Heung-Min Son ta’ Tottenham kif ukoll Pierre-Emerick Aubameyang ta’ Arsenal.
Mis-Serie A hemm il-plejers ta’ Juventus Ronaldo u Matthijs de Ligt li ngħaqad magħhom f’dan is-sajf kif ukoll Kalidou Koulibaly ta’ Napoli, Robert Lewandowski hu l-uniku plejer mill-Bundesliga u hemm seba’ plejers minn La Liga.
Ir-rebbieħ tal-Ballun tad-Deheb jitħabbar f’Pariġi fit-2 ta’ Diċembru. Luka Modric rebaħ l-unur għall-ewwel darba s-sena l-oħra biex temm is-seba’ snin dominanza minn Messi u Ronaldo. Il-midfielder Kroat ma jinsabx fil-lista ta’ 30 plejer.
Dan l-unur ilu jingħata mill-magazine France Football mill-1956 u bejn l-2010 u l-2015 ingħaqad mal-Plejer tas-Sena tal-FIFA. Iżda l-FIFA temmet ir-rabta mal-Ballun tad-Deheb biex ħolqu l-unur tal-Aqwa Plejer tal-FIFA.
Il-finalisti kollha
Virgil van Dijk
Bernardo Silva
Heung-min Son
Robert Lewandowski
Roberto Firmino
Cristiano Ronaldo
Alisson
Matthijs de Ligt
Karim Benzema
Georginio Wijnaldum
Kylian Mbappe
Trent Alexander-Arnold
Donny van de Beek
Pierre-Emerick Aubameyang
Marc-Andre ter Stegen
Sadio Mane
Sergio Agüero
Frenkie De Jong
Hugo Lloris
Dusan Tadic
Lionel Messi
Riyad Mahrez
Kevin De Bruyne
Kalidou Koulibaly
Antoine Griezmann
Mohamed Salah
Eden Hazard
Marquinhos
Raheem Sterling
João Félix
