Il-Forum Professjonisti tal-Partit Nazzjonalista ġie avviċinat minn bosta professjonisti inkwetati wara l-MFSA nedew dokument ta’ konsultazzjoni li jipproponi riformi fil-Qafas tal-CSP (Company Service Providers).
L-FPPN innota li huwa bi ftehim sħiħ mal-MFSA meta l-imsemmija MFSA tiddikjara li kull sforz irid isir biex tkun salvagwardjata r-reputazzjoni ta’ Malta bħala ġurisdizzjoni ta’ servizzi finanzjarji u li miżura waħda biex tagħmel dan tkun permezz tat-tisħiħ tal-qafas regolatorju tas-CSPs.
Barra minn hekk, l-FPPN jaqbel mal-MFSA li l-qafas applikat bħalissa għas-CSPs jeħtieġ li jirrevedi u forsi mhux jirrifletti r-realtà tas-CSPs li saru sors ewlieni tal-ewwel kuntatt għall-investituri barranin f’Malta.
L-FPPN iżda tinsab diżappuntata għall-fatt li t-tibdil propost effettivament ifixkel is-suq billi jagħmilha diffiċli ħafna għall-bidu ġdid fis-settur u billi jeskludi kamp sħiħ ta’ professjonisti milli jeżerċitaw il-professjoni tagħhom fl-industrija.
L-FPPN sostna li huwa mħasseb li din toħloq diffikultajiet lejn ir-reputazzjoni ta’ Malta fuq l-industrija tas-CSP u mhux biex tindirizza n-nuqqasijiet massivi fl-infurzar tal-liġi f’Malta. Ir-rapport ta’ Moneyval ippubblikat reċentement huwa ċar fil-kritika lejn l-infurzar tal-liġi f’Malta għall-kuntrarju tal-ittra tal-liġi nnifisha.
L-istqarrija għalqet li FPPN dejjem kien minn ta’ quddiem biex tilqa’ reviżjonijiet leġiżlattivi meta dawn ikunu meħtieġa, madanakollu temmen temmen li s-sitwazzjoni attwali ta’ Malta teħtieġ gvern li jiffoka r-riżorsi tiegħu fuq l-infurzar tar-regolamenti aktar milli jżid regolamenti oħra mingħajr l-ebda infurzar tal-bord.
