SLIEMA W…………. 0
MOSTA………………. 1
Sliema: E. Elezaj, J. Mintoff, K. Shaw, J. Pearson, M. Sansone (A. Stelitano 73’), M. Scerri, E. Agius (S. Miloskovic 92’), C. Pani, C. Zappa (J. Pereira 88’), J. Cisotti, J.P. Farrugia
Mosta: A. Vella, D. Xuereb, T. Farrugia, R. Morisco, D. Bonnici, M. Muchardi, A. Roach, E. Murga (G. Aquilina 73’), N. Kotlov (Z. Brincat 82’), W. Gomes, J. Diouf
Imwissija: N. Kotlov 56’ (M), J. Pearson 75’ (S)
Skorja: D. Xuereb 88’ (M)
Referees: Alan Mario Sant
Assistenti Referees: Luke Portelli, Mark Ciantar
In-Nazzjon Plejer tal-logħba: Matias Muchardi (Mosta)
BOV Plejer tal-logħba: Claudio Zappa (Sliema Wanderers)
Attendenza: 757
Għat-tieni ġimgħa konsekuttiva, Mosta skorjaw il-gowl tar-rebħa lejn it-tmiem u b’hekk telgħu fin-naħa ta’ fuq tal-klassifika. Din kienet it-tielet rebġa konsekuttiva u t-tielet logħba li l-Mostin ma sofrewx gowl.
Fuq in-naħa l-oħra delużjoni kbira għat-tim Slimiż li tilef logħba bilanċjata u forsi draw kien ikun aktar ġust. Bil-kontra ta’ Mosta, għalihom kienet it-tielet telfa konsekuttiva u t-tielet logħba li ma skorjawx, bil-pressjoni qed tkompli tikber fuq il-kowċ Alfonso Greco.
L-ewwel taqsima kienet deludenti tant li l-ewwel azzjoni denja waslet wara 38 minuta. Kienet azzjoni twila fil-kaxxa Slimiża, bl-ewwel xutt ta’ Akeem Roach ikun żbaljat iżda l-ballun għand il-Mostin, bix-xutt ta’ Edin Murga jkun imdawwar f’korner bi bravura minn Entonio Elezaj. Ftit wara xutt ta’ Dexter Xuereb għadda ftit għoli.
Jean Paul Farrugia mar l-eqreb għal Sliema fit-43 minuta b’xutt b’saħħtu minn barra l-kaxxa li niżel fuq il-mimduda. Qabel tmiem l-ewwel taqsima, Muchardi serva tajjeb lil Dexter Xuereb li għola u b’daqqa ta’ ras impenja lil Elezaj li salva minn mal-art, iżda d-difensur Mosti kien f’pożizzjoni ta’ offside.
Fis-57 minuta, free-kick fil-baxx ta’ Claudio Zappa ġie salvat fil-ħin minn Vella. Tliet minuti wara minn kross mil-lemin, il-konklużjoni ta’ Claudio Pani għaddiet ftit għoli, biex minuta wara xutt ta’ Juri Cisotti ħabat man-naħa ta’ barra tax-xibka.
Mosta skorjaw il-gowl tar-rebħa fit-88 minuta b’DEXTER XUEREB jegħleb lil Elezaj b’xutt fl-arja minn barra l-kaxxa għar-rokna ta’ fuq tax-xibka. Lejn it-tmiem, Kurt Shaw mar qrib id-draw iżda ma laqatx tajjeb mill-kaxxa u t-tentattiv kien blokkat, b’Mosta jiddefendu l-aħħar sekondi għal rebħa oħra importanti.
