GŻIRA ATHLETA………… 68
HIBERNIANS……………… 75
(16-13, 17-16, 11-24, 24-22)
Gżira: C. Crossland (15), S. Pace (2), B. Zammit, B. Sciberras, L. Stefanovic (6), S. Galea, N. Xuereb (10), M. Gouder (12), M. Nokovic (5), I. Thiesen (18), E. Abela, R. Abela
Hibernians: P. Attard (6), D. Bugeja (1), K. Caruana, L. Farrugia, W. Alhberg (24), I. Bonett, N. Vasovic (10), A. Axiaq (5), M. Matijevic (11), M. Attard, C. Rowe (14), T. Dernesce (4)
Referees: B. Vassallo, G. Barbara, T. Mantere
Hibernians huma l-ewwel finalisti tas-St. James Hospital Shield wara li għelbu lil Gżira Athleta, b’tal-aħħar iridu jegħlbu lil Starlites biex jiksbu post fil-finali. Gżira kienu xi ftit aħjar fl-ewwel parti tal-logħba filwaqt li Hibernians tjiebu wara l-mistrieħ. Hibernians marru għall-ewwel darba minn fuq bl-iskor ta’ 11-10 sakemm Athleta spiċċaw is-sessjoni 16-13 fil-vantaġġ. Il-Pawlisti bdew tajjeb it-tieni sessjoni u reġgħu marru minn fuq iżda Athleta rnexxielhom jieħdu vantaġġ żgħir ta’ 33-29 sal-mistrieħ.
Wara l-bidu bilanċjat għat-tielet sessjoni, Hibernians kellhom l-aħjar mument fil-logħba u bnew vantaġġ tajjeb ta’ 58-44 għall-aħħar għaxar minuti. Gżira Athleta ħarġu aktar determinati u naqqsu d-distakk għal sitt punti. L-aktar li waslu qrib kien tliet punti, b’Hibernians jiksbu l-aħħar erba’ punti biex aċċertaw mir-rebħa.
STARLITES GIG…….. 90
DEPIRO………………… 81
(27-24, 29-19, 23-16, 11-22)
Starlites: A. Felice Pace (5), M. Azzopardi, R. Bonnici (17), I. Felice Pace (4), M. Fabri, M. Scerri, R. Carabott (2), I. Kumovic (2), K. Knules (43), J. Merseille (17)
Depiro: M. Todorovic (17), G. Cooper (29), M. Naudi (10), D. Farrugia (4), N. Grech, O. Said (7), N. Xuereb (1), M. Borg, M. Brincat, J. Attard, A. Chomo (4), A. Attard
Referees: B. Vassallo, Z. Dobroseljevic, K. Dworniczak
Starlites GIG kisbu rebħa importanti kontra Depiro f’logħba li t-tnejn riedu rebħa biex ikomplu jittamaw li jiksbu post fil-finali. Starlites kisbu vantaġġ f’nofs il-partita u żammewh sat-tmiem. Depiro kellhom lil Todorovic li għamel id-debutt filwaqt li Knules kien l-aħjar għal Starlites u għamel ħafna ħsara taħt il-board ta’ Depiro.
Starlites irnexxielhom itemmu l-ewwel perjodu 27-24 minn fuq wara li Depiro kellhom l-aħjar bidu. Il-logħba kompliet tkun bilanċjata sakemm Starlites kabbru l-vantaġġ għal 56-43. Depiro kienu maħsuda fil-bidu tat-tielet sessjoni hekk kif il-vantaġġ kiber għal 70-51. Depiro ħarġu aħjar għall-aħħar perjodu u naqqsu d-distakk għal 85-70. Id-distakk niżel anki sa seba’ punti iżda Starlites ikkontrollaw il-vantaġġ tagħhom sat-tmiem.
