It-tim Brażiljan ta’ Corinthians rebaħ għat-tieni darba l-Copa Libertadores tan-nisa meta fil-final li ntlagħbet fi Quito l-Ekwador huma għelbu lil Ferroviaria 2-0, f’final derby bejn żewġ klabbs Brażiljani.
Għal Corinthians mill-belt ta’ Sao Paolo din kienet it-tieni darba li huma rebħu l-Copa Libertadors wara s-suċċess li kellhom sentejn ilu.
Ir-rebħa ta’ Corinthians waslet b’żewġ gowls lejn it-tmiem fejn kienet is-sostituta Giovanna Crivelari li fetħet l-iskor fid-79 minuta, filwaqt li Juliete għalqet il-logħba bit-tieni gowl fid-90 minuta, gowl li wasal minn kross shot li ħasad għal kollox lill-goalkeeper avversarju.
Għal Corinthians din kienet rebħa ta’ tpattija fuq Ferroviaria li f’Settembru li għadda rebħu kienu rebħu l-kampjonat Brażiljan wara li għelbu lil Corinthians wara l-għoti tal-penalties.
