Iċ-champions lokali tan-nisa Exiles Elia Caterers ħallew pajjiżna lejn Ruma biex jieħdu sehem fir-rawnd preliminari tal-Euro League. Dan hu mument storiku għalihom hekk kif se jsiru l-ewwel tim tan-nisa li se jikkompeti f’kompetizzjoni Ewropea.
Huma jinsabu konxji mid-diffikultà li se jsibu quddiemhom iżda jinsabu determinanti li jkollhom l-aħjar prestazzjonijiet possibbli. Exiles ġejjin minn staġun mill-aqwa hekk kif minbarra l-kampjonat, rebħu n-knock-out u s-Super Cup fi staġun li ma kinux megħluba.
L-iskwadra ta’ Exiles hi magħmula minn Abbey Bonello, Maria Gatt, Kaia Agius, Kendra Navarro, Denise Micallef, Martina Darmanin, Alyssa Diacono, Rhea Cutajar, Emily Diacono, Giulia Zammit Lonardelli, Kela Zammit, Eline Antonissen, Stephanie Tanti Desjardins u Maia Bonello. Fost din l-iskwadra hemm il-plejers ta’ San Ġiljan Denise Micallef, Rhea Cutajar u Stephanie Tant Desjardins u l-Olandiża Eline Antonissen li ġew mistiedna biex jingħaqdu mat-tim għal din il-kompetizzjoni.
Il-kontinġent immexxi mill-President Andrew Paris, jinvolvi skwadra ta’ 14-il plejer flimkien mal-kowċ Gordon Zammit, il-fiżjoterapist Matthew Zammit u Michelle Zammit mill-Exiles Academy.
Il-logħob ta’ Exiles
Għada: Exiles v SIS Roma 7.45pm
Il-Ġimgħa: Exiles v Kinef Kirishi 11.45am
Is-Sibt: Exiles v Dunaujvaros 6.00pm
Il-Ħadd: Exiles v ZV De Zaan 10.00am
