Rapport: James Aaron Ellul
TARXIEN RAINBOWS……………..0
GŻIRAUNITED ……………………….5
Tarxien: R. Briffa, M. Botta, T. Veronese, D. Mambouana, B. Muscat, T. Murillo (A. Azzopardi 70’), A. Andrejic, S. Shaba, N.Portelli (D. Tabone 78’) M. Ciantar, M. Gomez (C. Zahra 43’)
Gzira: J. Haber (R. Yokokawa, 77), F. Barbosa, N. Muscat, Z. Scerri, R. Soares (C. Gatt Baldacchino 75’), A. Cohen, J. Carbolan, H. Kone, A. Samb (L. Brincat 75’) , A. Oyama, M. Davis
Imwissija: M. Botta 28’, N. Portelli 56’ (T) N. Muscat 38’, M. Ciantar 56’, B. Muscat 76’ (G)
Skorjaw: M. Davis 17’, A. Cohen 32’, A. Samb 49’ 64’, K. Hamed 60’ (G)
Referee: Andrea Sciriha
Assistenti Referees: Duncan Sultana, Roberto Vella
In-Nazzjon Plejer tal-logħba: Hamed Kane (Gżira United)
BOV Plejer tal-logħba: Amadou Samb (Gżira United)
Bħalma kien mistenni Ġżira ħadu t-tliet punti f’logħba li żammew il-kontroll mill-bidu sat-tmiem fejn kienu dejjem fuq l-offensiva. Għat-tim ta’ Tarxien din it-telfa fissret id-disa’ waħda fil-kampjonat fejn għadhom ma akkwistaw l-ebda punt f’dan l-istaġun.
Gżira marru fil-vantaġġ fis-17-il minuta b’gowl minn MARTIN DAVIS, b’azzjoni li bdiet min-nofs il-grawnd, bil-logħob jiftaħ fuq Hamed Kone, fejn b’ġirja mal-linja qasam lil Davis li kalm kalm daħħal il-ballun fix-xibka. Tliet minuti wara Briffa xellef xutt mill-isbaħ u ċaħħad għal mument it-tieni gowl Gżirjan.
Tarxien perikolużi ferm fil-31 minuta fejn xutt ta’ Aleksa Andrejic ħabat mal-lasta. Ftit mumenti wara Gżira iżda ħadu opportunità u bil-kontrattakk rduppjaw b’gowl minn ANDREW COHEN li tħalla żmarkat. Azzjoni li ħasdet mhux ftit lid-difiża ta’ Tarxien.
Erba’ minuti biss wara l-bidu tat-tieni taqsima, Gżira żammew ir-ritmu, b’Oyama qassam il-ballun b’perfezzjoni fid-direzzjoni lejn AMADOU SAMB li b’kalma u ġentilezza miċ-ċentru tal-kaxxa żgħira xeħet il-ballun fix-xibka. Gżira komplew jattakkaw hekk kif fis-60 minuta HAMED KONE, b’azzjoni personali u b’teknika, skorja r-raba’ gowl għall-Maroons.
Fl-64 minuta b’taħwida mid-difiża ta’ Tarxien, taħt pressjoni Botta waqqa’ lil Cohen fil-kaxxa, bir-referee Andrea Sciriha jordna penalty għal Gżira. Mill-11-il metru AMADOU SAMB ma falliex u għaqqad doppjetta personali u l-ħames gowl fil-partita għat-tim tiegħu.
Kważi għaxar minuti wara, Samb kien viċin biex jgħaqqad it-tripletta, b’xutt tiegħu ħabat mal-mimduda. Lejn tmiem il-partita Tarxien irnexxielhom joħolqu numru ta’ azzjonijiet madankollu l-gowlkiper sostitut Ġappuniż Ryoto Yokokawa, waqqaf u biegħed kull periklu.
