Għadab kbir fost il-kunsilliera u r-residenti ta’ Belt hekk kif jidher li persuni mhux magħrufa wettqu att vandalu meta remew materjal mal-ġenb ta’ sur fil-Belt Valletta.
Diversi persuni tellgħu posts fuq Facebook b’ritratti li juru materjal ta’ lewn ġriż ċar iċarċar mal-ħajt tas-sur. Mhux magħruf lanqas x’inhu l-materjal iżda mal-ewwel daqqa t’għajn jidher li jista’ jkun materjal tal-kostruzzjoni.
L-att vandalu sar fuq sur fil-inħawi ta’ Dar il-Mediterran għall-Konferenzi.
Il-Pulizija tad-Distrett qegħdin jinvestigaw dak li seħħ.
