Logħob, għaqda u divertiment … dan kollu u iktar ġewwa Ta’ Qali waqt Festa Scouts li kienet tikkonsisti f’diversi attivitajiet organizzati mill-Assoċjazzjoni tal-iscouts ta’ Malta.
L-attivtajiet saru fuq jumejn għat-tieni edizzjoni, fejn ħadu sehem 30 grupp tal-iscouts.
Net News tkellem ma’ wħud mit-tfal li kienu qed jiieħdu sehem fejn qalulna dwar din l-esperjenza u xi jfisser għalihom l-iscouts.
Matul il-ġurnata tal-Ħadd, il-pubbliku kellu l-opportunitàli jattendi u jieħu sehem fl-attivitajiet, fosthom abseiling, u human table soccer fost oħrajn.
L-Assistant Events Commissioner, Beppe Grech tkellem magħna fejn qalilna dwar il-preparazzjonijiet li kien hemm wara dawn l-attivitajiet.
Hu kompla jgħidilna dwar x’ifisser għalih l-iscouts.
Iżda wara kollox l-assoċjazzjoni ma tistax tkompli miexja jekk ma jkunx hemm leaders li jigwidaw lit-tfal, fejn filfatt hemm it-talba ta’ iktar leaders fi ħdan din l-assoċjazzjoni.
Preżenti kien hemm il-Viċi Kap tal-Partit Nazzjonalista, David Agius fejn tkellem mal-organizzaturi dwar il-ħidma tal-assoċjazzjoni.
