Raġel ittieħed l-isptar Mater Dei wara argument bejn erba’ persuni barranin li seħħ wara nofsilejl fil-Marsa.
Il-pulizija kkonfermaw dan il-każ, hekk kif qalulna li membri tal-RIU waslu fil-post għall-ħabta tal-12.15am, u intervjenew biex iwaqqfu argument li seħħ fi Triq Patri Feliċjan Bilocca.
Wieħed minn dawk involuti fil-ġlieda ttieħed lejn l-isptar għal aktar osservazzjoni filwaqt li t-tliet irġiel l-oħra ttieħdu fl-Għassa tal-Marsa għal aktar investigazzjoni.
