L-awtoritajiet f’Londra qed jinvestigaw pakkett suspettuż li ntbagħat lill-Kap tal-Partit Liberali Demokratiku, Jo Swinson, li qed topponi għall-ħruġ tar-Renju Unit mill-Unjoni Ewropea.
Il-pakkett kien twassal fl-uffiċċju ta’ Swinson fil-Parlament u l-pulizija li wieġbu għall-allert, wara, eliminaw kull possibbiltà ta’ periklu.
L-investigazzjoni preliminarja qed tidher li saret f’Portcullis House, f’Londra, fejn ħafna deputati parlamentari għandhom l-uffiċini. Kelliema għall-pulizija qalu, wara, li ma kien hemm l-ebda rapporti dwar ‘mard jew midruba b’konsegwenza’ u meta ma kienx hemm il-bżonn li z-zona tispiċċa evakwata.
Jo Swinson insistiet li taddotta politika aktar ħarxa kontra Brexit mindu hi, f’Lulju, ħadet ir-riedni tal-Liberali Demokratiċi.
U waqt li l-poplu Britanniku qed iħejji biex jivvota fl-elezzjoni ġenerali tat-12 ta’ Diċembru (li hi kruċjali fid-dawl ta’ Brexit), Swinson wiegħdet biex tħassar il-proċess tat-tluq mill-UE f’każ ta’ rebħa improbabbli għall-partit tagħha.
Il-Partit Liberali Demokratiku għadu ma kkummentawx fir-rigward tal-pakkett.
