Tliet ħaddiema tat-tifi tan-nar tilfu ħajjithom waqt li kienu fuq xogħol hekk kif marru qrib razzett f’Quargnento wara rapporti ta’ spluzzjoni.
L-inċident seħħ ilbieraħ waqt li l-ħaddiema kienu qed jispezjonaw l-ewwel spluzzjoni, meta ftit tal-mumenti wara seħħet it-tieni waħda, li ġiet deskritta bħala waħda akbar. Żewġ uffiċjali mietu ftit tal-ħin wara waqt li kienu qed jingħataw il-kura, filwaqt li t-tielet persuna ma setax jinstab.
F’dak il-mument inbdiet operazzjoni ta’ salvataġġ immedjata għat-tielet pumpier. Sfortunatament, il-katavru nstab taħt il-ġebel imwaqqa’.
Żewġ pompiera oħra u uffiċjal tal-pulizija ndarbu wkoll fl-isplużjoni.
L-ewwel rapporti qed jindikaw li l-isplużjonijiet seħħew b’intenzjoni, hekk kif instab arloġġ qalb it-tifrik, li qed jitħasseb li kien imwaħħal ma’ ċilindru tal-gass.
