Rebecca Pace se tkun qed tirrappreżenta lil Malta fil-Miss Supranational fil-jiem li ġejjin fil-Polonja.
Hi rebħet Miss Supranational f’Malta fil-ġimgħat li għaddew u għalhekk ser tkun qed tirrappreżenta lil Malta fil-Polonja dan ix-xahar. L-esperjenza tagħha se tibda fit-18 ta’ Novembru sad-9 ta’ Diċembru.
Miss Supranational hija pageant internazzjonali ta’ sbuħija li fiha jieħdu sehem aktar minn 80 tfajla minn madwar id-dinja kollha.
Parti mill-ispettaklu waqt is-serata f’din il-pageant tinkludi wkoll kostumi nazzjonali u għalhekk, Rebecca se jkollha kostumi magħmulin apposta għalija, biex tirrappreżenta lil Malta bl-aħjar mod possibbli.
Fil-mument, il-preparazzjonijiet jinsabu fl-aqwa tagħhom, kemm fil-ġinnasju, taħriġ tal-catwalk u preparazzjoni tal-ilbiesi.
Fil-filmat, Rebecca qed tesponi is-sbuħija tal-Belt u tal-Birgu, filmat li ħadmet fuqu Rebecca nnifisha f’dak li għandu x’jaqsam l-istorja, l-iskritt u l-postijiet fejn inħadem il-filmat… Malta b’mod klassiku u eleganti anke grazzi għall-ħidma tal-vidjografu Victor Abela bl-għajnuna ta’ Kevin Zammit.
