Fl-okkażjoni tal-25 anniversarju mill-ftuħ ta’ Liverpool Supporters Club f’pajjiżna, il-kumitat qed jorganizza serje ta’ attivitajiet biex l-2020 tibqa’ sena memorabbli fl-istorja ta’ dan il-grupp ta’ partitarji. Wara diversi taħditiet ma’ Liverpool F.C., il-klabb Malti laħaq ftehim biex Jamie Webster jiġi f’pajjiżna.
Jamie Webster li hu affiljat mal-klabb Ingliż, ilu jagħti kunċerti uniċi quddiem udjenzi kbar għall-partitarji ta’ Liverpool. Dawn il-kunċerti jsiru kemm f’Liverpool kif ukoll kull fejn Liverpool jilagħbu madwar l-Ewropa.
Webster se jkun qed jagħti żewġ kunċerti waqt il-mawra tiegħu f’pajjiżna. Il-kunċert f’Malta se jsir illum f’Montekristo Estate filwaqt li għada jsir kunċert f’Għawdex fil-Westend Bar Terrace fix-Xewkija. Kull min jixtieq jattendi hu mitlub li jagħmel kuntatt mal-klabbs ta’ Liverpool f’Malta jew f’Għawdex.
