It-Tnejn filgħodu, Il-Ministru tal-Finanzi Edward Scicluna qabeż seduta ta’ libell minħabba li kien l-isptar, skond l-avukat tiegħu, iżda huwa sorprendenti li attenda għall-Parlament wara nofsinhar biex jiftaħ dibattitu dwar il-ħasil tal-flus.
L-Avukat Ivan Sammut qal lill-Maġistrat Rachel Montebello għall-ħabta tad-9.30am li l-ministru kien marid waqt li kien barra mill-pajjiż il-ġimgħa li għaddiet u li kien iddaħħal fl-Isptar Mater Dei għal aktar trattament wara r-ritorn tiegħu lejn Malta.
Madankollu, mar fil-Parlament biex jagħti diskors ta’ 45 minuta.
Scicluna kellu jidher fil-qorti fuq proċeduri ta’ libell li kien ippreżenta kontra l-Eks kap tal-Partit Nazzjonalista Simon Busuttil fuq tweet dwar l-involviment tal-Ministru fil-ftehim għall-bejgħ ta’ tliet sptarijiet lil Vitals Global Healthcare.
