L-Erbgħa filgħaxija l-attivisti mis-soċjetà Civili li ngħaqdu flimkien f’dimostrazzjoni quddiem l-Uffiċċju tal-Prim Ministru.
Din il-protesta ssejħet fid-dawl ta’ dak li ġara fl-aħħar sigħat, fejn is-sid tal-kumpanija 17 Black Yorgen Fenech ġie arrestat.
F’dik li kienet it-tieni protesta fi ftit jiem kien hemm vuċi komuni kontra l-korruzzjoni, favur il-ġustizzja u b’appell komuni biex il-Prim Ministru jieħu azzjoni fil-konfront ta’ dawk involuti f’diversi skandli fl-aħħar snin, inkluż dawk qrib Joseph Muscat.
Intant tul il-protesta uffiċjal tal-Pulizija kellha tingħata l-kura wara li karozza ministerjali li fiha kien hemm il-Ministru Owen Bonnici u s-Segretarju parlamentari Aaron Farrugia saqet fuqha mingħajr intenzjoni.
Kollox seħħ meta ż-żewġ deputati tal-Gvern daħlu fil-karozza, imdawwra minn grupp ta’ persuni li kienu qed jattendu għal protesta mis-soċjetà ċivili.
Malli d-deputati daħlu fil-karozza, ix-xufier saq mingħajr ma nduna li quddiemu kien hemm uffiċjal li kienet qed tiftaħlu t-triq.
Dan bil-konsegwenza li saq għal fuq saqajha u għaddew xi ħin sakemm dawk madwarha rrealizzaw b’dak li kien seħħ u talbu lix-xufier biex jirriversja.
//= $special ?>