In-negozjant Yorgen Fenech, li lbieraħ filgħaxija nħeles mill-arrest taħt diversi kundizzjonijiet u superviżjoni stretta, reġa’ ġie arrestat.
Dan ifisser li issa jiskatta perjodu ieħor ta’ massimu ta’ 48 siegħa li l-Pulizija jistgħu jżommuh taħt arrest waqt li mistennija jkomplu l-interrogazzjonijiet.
L-arrest seħħ waqt li Jorgen Fenech kien qed jakkumpanja lill-Pulizija għal tfittxija fuq il-yacht tiegħu, li jinsab sorġut fil-Marina ta’ Portomaso.
