L-għanijiet tal-inkjesta huma dan li ġej: Biex tinvestiga b’mod indipendenti u tirrapporta lill-Prim Ministru wara r-Riżoluzzjoni tal-Kamra tad-Deputati tat-12 ta’ Dicembru 2018 u r-Riżoluzzjoni tal-Assemblea Parlamentari
tal-Kunsill tal-Ewropa tas-26 ta’ Ġunju 2019 (Riżoluzzjoni 2293(2019)) dwar l-assassinju tas-sinjura Daphne Caruana Galizia fis-16 ta’ Ottubru 2017 u dwar l-avvenimenti li ppreċedew, li kienu involuti, u li segwew, dak l-assassinju bil-għan illi:
- jiġi determinat jekk xi att jew ommissjoni illeċita minn, jew fi ħdan, xi entita tal-Istat iffaċilitatx l-assassinju jew naqsitx milli tipprevjenih. B’mod partikolari jekk (a) xi entita talIstat kinitx taf jew kellhiex tkun taf dwar, jew ikkawżatx, riskju reali u immedjat, inkluż millaġir kriminali ta’ xi terza persuna, għall-ħajja ta’ Daphne Caruana Galizia u (b) naqqset milli tieħu miżuri fi ħdan il-firxa tas-setgħat tagħha li, b’ġudizzju raġjonevoli, kien mistenni minnha li tieħu biex tevita dak ir-riskju;
- biex tistabbilixxi jekk l-Istat kellux u għandux fis-seħħ dispożizzjonijiet ta’ liġi kriminali effettivi u mezzi oħra prattiċi biex jevita li jiżviluppa stat ta’ de facto impunita bl-okkorrenza spissa ta’ atti kriminali li ma jiġux solvuti u biex jiddisswadi mit-twettiq ta’ reati kriminali serji, blappoġġ ta’ makkinarju ta’ inforzar tal-liġi għall-prevenzjoni, s-soppressjoni, l-investigazzjoni u l-kastig tal-vjolazzjonijiet serji tal-liġi;
- tiddetermina jekk l-Istat wettaqx u jekk huwiex qiegħed iwettaq l-obbligu pozittiv li jieħu miżuri operazzjonali ta’ prevenzjoni biex jipproteġi lil dawk l-individwi li l-ħajja tagħhom tkun fir-riskju minn atti kriminali u dan b’mod partikolari fil-kaz tal-ġurnalisti;
- Li l-Inkjesta titmexxa b’mod illi ma timpedix u ma tikkompromettix xi investigazzjoni jew prosekuzzjoni kriminali jew l-integrita tagħha;
- L-Inkjesta għandha ssir fil-pubbliku iżda l-Bord ta’ Inkjesta jista’, meta jikkunsidra li jkun strettament hekk meħtieġ, imexxi seduti partikolari fil-magħluq u/jew jimponi restrizzjonijiet fuq l-iżvelar jew il-pubblikazzjoni ta’ kull dokument jew xhieda mogħtija jew li jkun sar aċċess għaliha fl-Inkjesta b’mod illi tkun protetta l-kunfidenzjalita ta’ investigazzjonijiet u ta’ informazzjoni li tkun waslet taħt obbligu ta’ kunfidenzjalita, iżda biss meta l-kunfidenzjalita ta’ dawk l-investigazzjonijiet jew informazzjoni tkun protetta bil-liġi u/jew meta l-Bord ta’ Inkjesta jidhirlu li s-smiegħ bil-magħluq jew ir-restrizzjoni tal-iżvelar jew tal-pubblikazzjoni ta’ dokumenti jew xhieda jkunu strettament meħtieġa għall-protezzjoni, tas-sigurta u taddrittijiet tax-xhieda, ta’ informazzjoni sensittiva mil-lat ta’ sigurta nazzjonali jew mod ieħor, u għall-iskansar ta’ preġudizzju għal proċeduri oħra;
- Il-Bord ta’ Inkjesta jkollu aċċess għall-informazzjoni kollha miżmuma minn entitajiet tal-Istat u għandu jimxi skont l-Att dwar l-Inkjesti u għandu, soġġett għal dawn it-termini ta’ referenza, jirregola l-proċedura tiegħu fuq il-ħwejjeġ kollha inklużi kwistjonijiet dwar laċċess għal, u l-parteċipazzjoni tal-familja tal-mejta u tal-pubbliku fil- jew għall-proċeduri u għall-atti tal-inkjesta. Il-Bord ta’ Inkjesta jkollu s-setgha li jaħtar dik il-persuna jew persuni nklużi assistenti tekniċi u esperti f’oqsma partikolari biex jassistu fl-Inkjesta kif jidhirlu li
jkun meħtieġ, b’dan iżda madankollu li persuni hekk maħtura għandhom jissoddisfaw lħtiġijiet ta’ indipendenza u imparzjalita fuq l-istess livell kif meħtieġ f’qorti tal-ġustizzja; - Il-Bord ta’ Inkjesta għandu (i) jippreżenta kopja tar-rapport: (a) lill-Prim Ministru u (b) lillAvukat Generali; (ii) jagħti avviz pubbliku li jkun ikkonkluda r-rapport tiegħu u li jkun ippreżenta kopja tiegħu lill-Prim Ministru; (iii) jippubblika r-rapport fi żmien tmint ijiem taxxogħol mindu jkun għadda kopja tiegħu lill-Prim Ministru. Il-Prim Ministru għandu jqiegħed ir-rapport fuq il-Mejda tal-Kamra fi żmien ħamest ijiem tax-xogħol minn meta jirċevih.
- Dwarir-rapport li jkun se jiġi pubblikat, il-Bord ta’ Inkjesta jkollu s-setgha li jirrestrinġi l-iżvelar ta’ dawk il-partijiet tar-rapport kif huwa jqis li jkun meħtieġ biex jissalvagwardja l-protezzjoni
tad-data personali, tas-sigurta’ pubblika, tas-sigurta nazzjonali, tal-investigazzjonijiet jew proċeduri kriminali futuri jew li jkunu kurrenti, u fejn l-iżvelar jew il-pubblikazzjoni ta’ tali
informazzjoni tista’ tipperikola l-inkolumita fiżika ta’ xi persuna u għandu jindika b’mod ċar il-partijiet li ma għandhomx jiġu pubblikati. Jekk il-Bord iqis li jkun meħtieġ li jirrestrinġi liżvelar ta’ partijiet tar-rapport tiegħu, l-Bord ikun obbligat li jipprovdi lill-familja tal-mejta
bl-opportunita li taqra r-rapport sħiħ mingħajr tnaqqis iżda mingħajr ma tingħata kopja tattest tal-partijiet imnaqqsa u bil-kondizzjoni li huma jkunu obbligati li ma jiżvelawx il-partijiet
imnaqqsa; - Il-Bord ta’ Inkjesta għandu, mingħajr preġudizzju għat-twettiq xieraq ta’ dawn it-termini ta’ referenza, jaħdem bil-għan li jikkonkludi x-xogħol tiegħu fi żmien disa xhur.
