Minkejja li l-Partit Laburista qed jipprova jwassal messaġġ li suppost se jibda paġna ġdida, il-mexxej Joseph Muscat għal darb’oħra ta’ x’jifhem li mhux se jwarrab. Filfatt fid-diskors tiegħu hu ddikjara li għalkemm mhux se jkun il-kaptan, se jibqa’ baħri…dan filwaqt li gew ripetuti il-buzz words ‘moviment’ u ‘Malta tagħna lkoll’ waqt il-farewell li Joseph Muscat għamel f’nofs din il-krizi politika.
U fl-isfond tal-aħbarijiet dwar gwerra interna għat-tmexxija, Muscat qatta’ il-maġġor parti tad-diskors tiegħu jappella għall-għaqda.
Dan wara li falla dak li l-kandidat għal mexxej Robert Abela fisser bħala patt imxajtan.
Joseph Muscat għażel ukoll li jattakka lin-nies li regolarment qed toħroġ tipprotesta.
U minkejja li jibqa’ jkaxkar siequ biex ma jirriżenjax, saħansitra ddikjara li refa’ iktar responsabbilta milli kellu jerfa’. Dan filwaqt li l-ħabib tiegħu Keith Schembri għadu jgawdi l-libertà minkejja l-akkużi fil-konfront tiegħu.
Kummenti li jaslu fl-istess waqt li qrib il-Gvern għad hemm Sandro Craus, Kenneth Camilleri, Neville Gafa’, Konrad Mizzi u Chris Cardona li kollha ssemmew fl-investigazzjonijiet.
Intant… wara li mexxa’ Gvern li qala’ kritika internazzjonali għall-mod li bih tratta l-midja, Joseph Muscat ghamel din id-dikjarazzjoni –
Dan fl-istess waqt li uffiċjali tal-Partit Laburista reġgħu waqqfu lill-media milli tagħmel xogħolha waqt li ppruvaw jaħbu lil Konrad Mizzi.
//= $special ?>