Ftit tal-ħin ilu telgħu l-poloz tal-fażi tal-aħħar 16 tal-UEFA Champions League. L-ewwel logħbiet jintlagħbu fit-18, 19, 25 u 26 ta’ Frar filwaqt li l-partiti ta’ ritorn jintlagħbu fl-10, 11, 17 u 18 ta’ Marzu. F’kull data jintlagħbu żewġ logħbiet.
Il-logħbiet tal-fażi tal-aħħar 16
Borussia Dortmund v Paris-Saint Germain
Dortmund rebħu l-UEFA Champions League fl-1997. Dan se jkun ritorn għall-kowċ ta’ PSG Thomas Tuchel li mexxa lil Dortmund bejn l-2015 u l-2017.
Real Madrid v Manchester City
Real Madrid hu l-aktar klabb li rebaħ il-kompetizzjoni b’total ta’ 13-il suċċess. Manchester City waslu sas-semifinali fl-2016.
Atalanta v Valencia
Atalanta se jilagħbu din il-fażi għall-ewwel darba. Fuq in-naħa l-oħra, Valencia se jilagħbu f’din il-fażi għall-ewwel darba mill-istaġun 2012.13.
Atletico Madrid v Liverpool
Atletico Madrid huma tliet darbiet finalisti tal-kompetizzjoni filwaqt li Liverpool huma ċ-champions Ewropej, rebħu l-kompetizzjoni sitt darbiet u rebħu l-finali tal-istaġun li għadda li ntlagħbet proprju fil-Wanda Metropolitano.
Chelsea v Bayern Munich
Chelsea rebħu l-UEFA Champions League fl-2012. Dakinhar huma għelbu lil Bayern Munich u l-istaġun li għadda rebħu l-UEFA Europa League. Il-Ġermaniżi rebħu l-logħbiet kollha tal-grupp.
Olympique Lyon v Juventus
Din hi l-11-il darba li Olympique Lyon jinsabu f’din il-fażi. Din hi s-sitt edizzjoni konsekuttiva li Juventus jinsabu mal-aħħar 16.
Tottenham v Leipzig
Tottenham huma finalisti fl-istaġun li għadda iżda qatt ma rebħu l-kompetizzjoni. Leipzig ikkwalifikaw għal din il-fażi għall-ewwel darba.
Napoli v Barcelona
Din hi t-tielet darba fl-aħħar snin li Napoli jinsabu mal-aħħar 16. Barcelona huma ħames darbiet rebbieħa tal-kompetizzjoni u rebħu l-grupp tagħhom fl-aħħar 13-il staġun.
