Illum saru magħrufa l-logħbiet mill-fażi tal-aħħar 32 tal-UEFA Europa League. L-ewwel logħbiet jintlagħbu fl-20 ta’ Frar, bil-partiti ta’ ritorn jintlagħbu ġimgħa wara.
Manchester United, rebbieħa tal-kompetizzjoni fl-2017, telgħu kontra Club Brugge bl-ewwel konfront jintlagħab fil-Belġju. Brugge jinsabu tmien punti vantaġġ fil-quċċata tal-kampjonat Belġjan. Il-finalisti tas-sena l-oħra Arsenal se jmorru l-Greċja kontra Olympiakos
It-tim Ingliż l-ieħor fil-kompetizzjoni Wolves telgħu kontra Espanyol, tim li minkejja li rebaħ Grupp H jinsab fil-qiegħ tal-klassifika ta’ La Liga. Rangers jiltaqgħu kontra l-finalisti tal-2011 Braga, tim li jinsab fid-disa’ post tal-Primeira Liga.
Inter għandhom polza favorevoli kontra l-Bulgari Ludogorets u Roma jibdew favoriti li jeliminaw lit-tim Belġjan Gent.
Il-logħbiet tal-aħħar 32
Wolves v Espanyol
Sporting CP v İstanbul Başakşehir
Getafe v Ajax
Bayer Leverkusen v Porto
Copenhagen v Celtic
APOEL v Basel
Cluj v Sevilla
Olympiacos v Arsenal
AZ Alkmaar v LASK
Club Brugge v Manchester United
Ludogorets v Inter
Eintracht Frankfurt v Salzburg
Shakhtar Donetsk v Benfica
Wolfsburg v Malmö
Roma v Gent
Rangers v Braga
