Żewġ persuni ttieħdu l-isptar wara wara ħabta bejn mutur u karozza fl-Imġarr. Is-sewwieq tal-mutur qiegħed isofri feriti gravi.
L-inċident seħħ fi Triq iż-Żebbiegħ fl-9.50am fl-Imġarr. Il-mutur kien qed jinstaq minn raġel ta’ 30 sena minn Santa Venera. Il-karozza kienet qed tinstaq minn raġel ta’ 23 sena mill-Fgura li miegħu kien hemm passiġġiera tfajla ta’ 19-il sena minn Ħaż-Żabbar.
Il-kundizzjoni tax-xufier tal-karozza għadha mhux magħrufa.
