Xeni inkredibbli minn Texas, fl-Istati Uniti, hekk kif sewwieq ta’ trailer ipprova jevita inċident iżda minflok spiċċa jinqaleb u jitkaxkar b’kollox.
Il-każ seħħ f’highway fejn numru ta’ karozzi kienu maħbuta waqt li t-triq kienet mgħottija minn ċpar qawwi.
Kien għalhekk li x-xufier tat-trailer ma ndunax bil-vetturi wieqfa qabel kien tard wisq. Il-filmat, li ttieħed minn fotografu li nzerta qed jiffilmja, juri lil diversi uffiċjali jaħarbu jiġru biex jevitaw li jintlaqtu.
Fortunatament ħadd ma tilef ħajtu fl-inċident għalkemm żewġ persuni sofrew xi ġrieħi.
