Raġel ta’ 70 sena residenti Ħaż-Żabbar qed isofri minn ġrieħi gravi wara inċident tat-traffiku f’Ħaż-Żabbar stess.
Għall-ħabta tat-tmienja u nofs tal-Ħadd, kien hemm bżonn l-assistenza tal-pulizija wara li kienet seħħet ħabta bejn vettura u rota
Il-Pulizija tad-Distrett marru minnufih fuq il-post fejn minn stħarriġ preliminari li sar, irriżulta li r-raġel ta’ 70 snin , kien qiegħed isuq ir-rota fl-imsemmija triq meta għal xi raġuni safa` milqut minn vettura tat-tip Daewoo Matiz misjuqa minn raġel ta’ 70 sena residenti Ħaż-Żabbar ukoll.
Fuq il-post issejjaħ tim mediku li taw l-ewwel għajnuna u ambulanza ħadet lil vittma l-Isptar Mater Dei għall-kura meħtieġa.
Iktar tard, ir-raġel ġie ċċertifikat li qed isofri minn ġrieħi gravi.
L-investigazzjonijiet tal-Pulizija dwar dan l-inċident qed jitmexxew mill-Pulizija tad-Distrett.
