Il-ħolma saret realtà għal Peter Wright hekk kif irnexxielu jirbaħ il-Kampjonat tad-Dinja tad-Darts għall-ewwel darba. Fil-finali hu għeleb lil Michael van Gerwen b’rebħa ta’ 7-3 f’konfront li ntlagħab fl-Ewwel tas-Sena. B’hekk, falliet il-mira ta’ van Gerwen li jirbaħ ir-raba’ Kampjonat tad-Dinja f’seba’ snin.
Wright kien megħlub mill-Olandiż fil-finali tal-2014, telfa li kienet waħda minn 59 kontra r-rivali tiegħu. Iżda f’din il-logħba hu kellu medja ta’ 102.79, 34 140s, 11-il massimu u spiċċa bi 53% fuq id-doubles biex kiseb ir-rebħa.
Wright kiseb vantaġġ doppju iżda van Gerwen naqqas id-distakk wara li rebaħ it-tliet legs tas-set biex l-Olandiż għamel l-iskor 2-2 b’double eight. Wright reġa’ mar żewġ sets vantaġġ, liema vantaġġ van Gerwen qatt ma rkupra minnu.
Dan għaliex wara li l-erba’ darbiet rebbieħ naqqas id-distakk għal 4-3, Wright reġa’ fetaħ vantaġġ ta’ żewġ sets għal skor ta’ 5-3. L-Iskoċċiż mar set bogħod mir-rebħa meta kiseb 70 punt fid-disa’ set li kien missielet, biex aċċerta mir-rebħa fl-għaxar set b’double 10 għal skor finali ta’ 7-3.
