Missila laqtet zona qrib l-ambaxxata Amerikana f’Baghdad, sigħat biss wara l-funeral tal-Ġeneral prominenti Iranjan, Qassem Suleimani
Il-folla li attendiet għall-funeral ta’ Suleimani, sigħat qabel l-attakk, kantaw kliem bħal “mewt lill-Amerka” wara l-qtil tal-istess Ġeneral Iranjan f’attakk mill-ajru.
L-attakk bil-missila fuq il-kapitali Iraqqina ma ħalliex midruba.
Sadanittant, żewġ missili Katyusha niżlu qrib il-bażi militari Iraqqina, użata bħala bażi Amerikana. Anke hawn ma kien hawn l-ebda vittmi.
Seħħew attakki wkoll f’zoni oħra f’Baghdad, fosthom f’Jadriya, fejn skont rapporti kien hemm ħames persuni li sofrew ġrieħi.
Rapport tal-militar Iraqqin qal li għadd ta’ missili niżlu fuq Celebration Square, Jadriya u l-bażi militari f’Salahuddin, iżda ma kien hemm ebda vittmi.
