Il-President Amerikan Donald Trump qed jhedded lill-Iraq b’sanzjonijiet jekk jitkeċċew it-truppi Amerikani.
Il-Parlament Iraqi kien qed jiddiskuti t-tkeċċija tal-Amerikani minn arthom.
Trump qal lill-ġurnalisti li l-Amerka għandha bażi tal-ajru li swiet il-biljuni ta’ dollari biex inbniet u li l-Amerikani mhux beħsiebhom jitilqu minn hemm jekk ma jitħallsux lura tagħha.
It-tensjoni bejn iż-żewġ pajjiżi kibret wara l-qtil tal-ġeneral Iranjan Qasem Soleimani f’Baghdad il-ġimgħa li għaddiet.
L-Iran halef vendetta qawwija.
Soleimani, li kellu 62 sena, kien mexxa l-operazjonijiet militari Iranjani fil-lvant nofsani u kien meqjus mill-Istati Uniti bħala terrorist.
Il-fdalijiet tal-ġeneral issa ntbagħtu f’pajjiżu fejn eluf ta’ persun inġabru fit-toroq ta’ Teheran kmieni t-Tnejn biex isellmulu.
