Raġel ta’ 41 sena minn Bormla kien arrestat wara li allegatament kien qed jisraq minn residenza f’Bormla stess.
Għall-ħabta tas-2pm, persuna rrappurtat li r-raġel deher jidħol minn tieqa tar-residenza, fi Triq il-Mitħna. Il-Pulizija tad-Distrett iċċirkondaw il-post sakemm membri tar-Rapid Intervention Unit daħlu fir-residenza u sabu lir-raġel moħbi f’kamra żgħira.
Ir-raġel ġie arrestat u wara tfittxija li saret fuqu nstabu xi affarijiet li allegatament seraq mir-residenza. Aktar investigazzjonijiet tal-Pulizija għadhom għaddejjin.
//= $special ?>