Libjan ta’ 37 sena residenti Santa Venera kien arrestat wara li allegatament inqabad fil-fatt jisraq minn appartament fi Triq il-Kappillan Mifsud fil-Ħamrun.
Għall-ħabta tal-5.30am, xi persuni semgħu ħsejjes mhux tas-soltu ġejjin mill-appartament u ċemplu lill-Pulizija. Fl-istess waqt, tliet persuni marru personalment biex iżommu lir-raġel milli jaħrab.
Fil-post, il-Pulizija mir-Rapid Intervention Unit sabu lill-persuni jżommu lir-raġel, li min-naħa tiegħu rreżista l-arrest u anke kien aggressiv fil-konfront tal-Pulizija. Hu ttieħed l-Għassa u wara ġie eskortat lejn il-Kwartieri Ġenerali tal-Pulizija għal aktar stħarriġ.
Aktar investigazzjonijiet qed jitmexxew mill-Pulizija mill-Għassa tal-Ħamrun.
