Rapport: Kenneth Vella
It-tmien laqgħa tal-istaġun fuq għaxar tiġrijiet kollha għal żwiemel tat-trott saret illum waranofsinhar fil-korsa tal-Marsa. Minn dawn spikkaw l-aktar tliet semifinali mill-kampjonat Assikura għal żwiemel tal-klassi Gold fuq distanza qasira ta’ 2140m u tiġrija tal-aqwa klassi Premier fuq distanza ta’ mil. Din tal-aħħar intrebħet minn Amigo Turgot ta’ Salvu Vella.
Tnax-il żiemel ġrew fit-tiġrija tal-aqwa klassi. Hawnhekk, Quick Fix (Clifferty Calleja), li kien l-aktar żiemel b’saħħtu wara l-karozza tat-tluq, żamm il-kmand sakemm l-ewwel żwiemel daru biex jaffrontaw id-dritta finali. F’dak il-mument hu ma seta jagħmel xejn quddiem il-qawwa ta’ Amigo Turgot (Salvu Vella) li qabżu biex ħa l-ewwel rebħa tas-sena minn Barrio Josselyn (Anton Cassar) u Vakato (Chris Grech). Axel Tilly (Charles Degiorgio) temm fir-raba’ pożizzjoni.
Mit-tliet semifinali Gold, tnax-il żiemel għaddew għall-finali. Fl-ewwel waħda, G.G.’s Magic Dream (Charles Degiorgio) li mar quddiem dawra mit-tmiem, ċeda kollox f’nofs id-dritta finali. Dan meta nqabeż minn Aragorn De Buliere (Andrew Farrugia) li ħa t-tieni rebħa konsekuttiva u f’Malta minn Janske (Charles Camilleri) u Univers De Suce (Kurt Saliba).
Corky Ramirez (Paul Galea) ħa t-tieni rebħa konsekuttiva u fi xtutna wara li ssorprenda u għadda lil Foxy Brown (Rodney Gatt) f’nofs id-dritta finali waqt it-tieni semifinali Gold. Vez De Voirons (Charles Degiorgio) u Aristote Gede (Mario Fenech) għaddew ukoll għall-finali wara li kellhom pjazzament tajjeb.
It-tielet u l-aħħar semifinali Gold kienet ikkaratterizzata minn taqtigħa eċċitanti bejn tliet żwiemel fid-dritta finali. Kien Tonio Du Vivier (Charles Camilleri) li akkwista l-ewwel rebħa tas-sena mis-Serb Ivan Pavlov A.T. (George Muscat) u Vent Du Der (Rodney Gatt). Sephiro Flam (Romina Delceppo) kien l-aħħar żiemel li għadda għall-fażi finali ta’ dan il-kampjonat wara li temm fir-raba’ pożizzjoni.
Ir-riżultati kollha
I Tiġrija Klassi Copper Dist – 1640m. 1. Flexy Vert (D. Casha) Ħin – 2.05.3” (1.16.4”) 2. Dino Josselyn (G. Garzia) 3. Alexis Le Grand (P. Galea) 4. Jamar Noa (F. Abdilla)
II Tiġrija Klassi Copper. Dist – 1640m. 1. Dio Doti (C. Camilleri) Ħin – 2.05.2” (1.16.4”) 2. Ukase Du Ravary (N. Baldacchino) 3. Divonne (V. Fenech) 4. Rossi Dream (P. Galea)
III Tiġrija Klassi Silver. Dist – 1640m. 1. Baryton (M. Ellul) Ħin – 2.02.3” (1.14.5”) 2. Chippen As (R. Gatt) 3. Ricky Rock (P. Galea) 4. Midnight Passion
IV Tiġrija Klassi Gold. Dist – 1640m. 1. Ramon Dekkers (C. Calleja) Ħin – 2.03.6” (1.15.4”) 2. Vizir Carisaie (N. Baldacchino) 3. Venicio Bello (A. Pace) 4. Cadabra Tooma (A. Farrugia)
V Tiġrija Semifinali Kampjonat Assikura. Klassi Gold. Dist – 2140m. 1. Aragorn De Buliere (A. Farrugia) Ħin – 2.42.3” (1.15.8”) 2. Janske (C. Camilleri) 3. Univers De Suce (K. Saliba) 4. G.G’s Magic Dream (C. Degiorgio)
VI Tiġrija Semifinali Kampjonat Assikura. Klassi Gold. Dist – 2140m. 1. Corky Ramirez (P. Galea) Ħin – 2.42.7” (1.16”) 2. Foxy Brown (R. Gatt) 3. Vez De Voirons (C. Degiorgio) 4. Aristote Gede (M. Fenech)
VII Tiġrija Semifinali Kampjonat Assikura. Klassi Gold. Dist – 2140m. 1. Tonio Du Vivier (C. Camilleri) Ħin – 2.41.1” (1.15.3”) 2. Ivan Pavlov A.T. (G. Muscat) 3. Vent Du Der (R. Gatt) 4. Sephiro Flam (R. Delceppo)
VIII Tiġrija Klassi Premier. Dist – 1640m. 1. Amigo Turgot (S. Vella) Ħin – 2.00.8” (1.13.7”) 2. Barrio Josselyn (A. Cassar) 3. Vakato (C. Grech) 4. Axel Tilly (C. Degiorgio)
IX Tiġrija Klassi Silver. Dist – 1640m. 1. Feel The Music (M. Debono) Ħin – 2.00.5” (1.13.5”) 2. Ubu Du Metz (P. Galea) 3. Village Natal (N. Baldacchino) 4. Aubrac Du Rib (C. Cassar)
X Tiġrija Klassi Gold. Dist – 1640m. 1. Neverendingdream (R. Gatt) Ħin – 2.01” (1.13.8”) 2. Judge Reo (K. Galea) 3. Vangiskan Scott (C. Camilleri) 4. Rally Esset (P. Galea)
