It-tennista Maria Sharapova ħabbret li se tirtira mit-tennis fl-età ta’ 32 sena. F’artiklu miktub fuq vanityfair.com, ir-Russa stqarret id-diffikultà tagħha biex waslet għad-deċiżjoni li ttemm il-karriera. Sharapova rebħet ħames Grand Slams u kienet numru wieħed tad-dinja. Fil-preżent hi kienet tinsab fit-373 post fir-rankings WTA.
Sharapova rebħet l-erba’ Grand Slams bejn l-2006 u l-2012 qabel rebħet Wimbledon għat-tieni darba fl-2014. Iżda f’Marzu tal-2016 żvelat li nstabet pożittiva għal meldonium u kienet sospiża għal sentejn. Din is-sospensjoni tnaqqset għal 15-il xahar. Wara li rritornat fl-2017, hi rebħet l-Open ta’ Tianjin li kien l-ewwel titlu tagħha mill-2015 u s-36 titlu fil-karriera.
