Raġel ta’ 45 sena residenti San Lawrenz Għawdex sofra ġrieħi gravi wara inċident bejn mutur u karozza fi Triq l-Imġarr, ix-Xewkija.
Fil-post marru il-pulizija tad-disrett fejn minn stħarriġ preliminari li sar irriżulta li kienet seħħet ħabta bejn mutur tat-tip Triumph misjuq mill-vittma u vettura tat-tip Isuzu misjuqa minn raġel ta’ 58 sena residenti ż-Żebbuġ
Ir-raġel ittieħed b’ambulanza lejn l-Isptar Ġenerali ta’ Għawdex fejn iktar tard, huwa ġie ċċertifikat li qed isofri minn ġrieħi gravi.
L-investigazzjonijiet dwar dan l-inċident għadhom ghaddejin.
