Ir-referee internazzjonali tal-basketball Bernard Vassallo din il-ġimgħa se jerġa’ jkun impenjat f’partita oħra Ewropea, din id-darba fi Spanja. Illum, hu se jikkontrolla l-partita mill-fażi tal-aħħar tmienja mill-FIBA Euro Cup li se tintlagħab f’Salamanca bejn it-tim Spanjol Avenida Salamanca u t-tim qawwi Russu Spartak Moscow.
Ġimgħa ilu f’Moska ntlagħbet l-ewwel logħba minn tnejn, b’Salamanca jirbħu l-ewwel logħba 75-67. Bħala uffiċjali oħra f’dawn iż-żewġ logħbiet, se jkun hemm Can Mavisu mit-Turkija u Marin Ortis ta’ Franza, b’Vassallo se jkun ir-referee prinċipali.
