It-tennista numru sebgħa fid-dinja Alex Zverev ġie eliminat miż-żagħżugħ Tommy Paul 6-3 6-4 f’siegħa u 28 minuta biex wettaq l-ewwel rebħa tiegħu kontra avversarju li jinsab klassifikat mal-aqwa għaxra fid-dinja. L-Ispanjol Rafael Nadal għeleb lis-Serb Miomir Kecmanovic 6-2 7-5 biex b’hekk ikkwalifika għall-kwarti finali tat-tournament ATP li qed isir fil-Messiku.
F’ kummenti li għadda wara l-partita, Nadal sostna li l-avversarju tiegħu kien perikoluż f’ xi waqtiet u wera s-sodisfazzjon tiegħu dwar l-ewwel set li tah il-kunfidenza għall-kumplament tal-partita. Fil-kwarti finali Nadal jiltaqa’ kontra t-tennist mill-Korea ta’ Isfel Kwon Soon-Woo.
